Төрийн албан хаагчийн харилцааны соёл, хүнд суртлыг иргэд шүүмжилсээр ирсэн. Төрийн ажлыг хамгийн их гацаадаг хүчин зүйл нь тэдний ёс суртахууны асуудал болоод байгааг УИХ-н гишүүд ч ярих боллоо. Тухайлбал, БОХХАА-н БХ-ны дарга Ц.Гарамжав чуулганы үеэр "Дунд шатны төрийн албан хаагчдад иргэд маш их гомдол гаргадаг. Харилцааны соёлгүйгээс эхлээд албан тушаал, эрх мэдлээ ашиглан хүнд суртал гаргаж, хүндрэл учруулж байгаа төрийн албан хаагчдад тавих ёс зүйн шаардлагыг өндөржүүлэх хэрэгтэй" гэсэн юм. Түүнчлэн хуурамч бичиг баримт үйлддэг, худлаа тайлан гаргаж баталдаг, худалддаг зэрэг зохисгүй үйлдэл байгааг хэлж, нэн даруй зогсоох, шалгалт хийхийг сануулсан юм. Тэгвэл удахгүй гишүүний санаачилгаар төрийн дунд шатны албан хаагчдын ёс зүйн асуудлаас эхлээд авлига албан тушаалын гэмт хэрэгтэй холбогдсон эсэхийг шалгах ажлын хэсэг удахгүй гарах бололтой. Тэдний оронд гадаадад боловсрол эзэмшиж, хөгжингүй орнуудын соёл, ёс суртахууныг тээж ирсэн "цэвэр" хүмүүсийг томилох тухай ч эрхэм гишүүн хөндөнө лээ.
Ц.Гарамжав: Төрийн дунд шатны албан хаагчдыг "цэвэрлэх" шаардлагатай
2017-10-27 13:54:00