Зайсангийн аман дахь авто зогсоолын цогцолбор дуусч, маргааш нээлтээ хийхээр болжээ.Зайсан, Баруун ширээтийн чиглэлийн "Аялал жуулчлалын зам" нь 2,05 км урт, замын зорчих хэсэг нь 7 метр өргөн, нэг талдаа 2,25 метр өргөн явган хүний зам, дугуйн замтай, 300 авто машины зогсоолтой, гэрэлтүүлэгтэй, борооны усны шугамтай аж.
Энэ талаар УИХ-ын гишүүн Д.Оюунхорол “Богд ууланд алхдаг, аялдаг хүмүүст зориулж авто машины зогсоол байгуулахаар гаргасан шийдвэр маань олон саад бэрхшээлийн ард гарч биелэлээ олж байна” гэжээ. Зогсоол бариад зогсохгүй эко ариун цэврийн байгууламжийг ч энд мөн барих гэнэ. Тус замын ажлын нээлт маргааш 12.00 цагт болно.
