МАХН-ын Бага хурлын гишүүд шуурхай хэвлэлийн хурал зарлаж, мэдээлэл хийлээ. МАХН-ын Бага хурлын гишүүд өнгөрсөн 10 дугаар сарын 23-ны өдөр намын дарга Н.Энхбаярт болон Гүйцэтгэх зөвлөлдөө зургаан зүйл бүхий шаардлага хүргүүлсэн байна. Тус шаардлагынхаа хариуг авах гэсэн боловч, МАХН-ын дарга Н.Энхбаяр “Та нар юу юм бэ. Юу ч биш юмнууд зайлцгаа” хэмээн хөөсөн талаар мэдээлэл хийлээ. Мөн МАХН-ын Тамгын газрын дарга Н.Уламбаяр намынхаа настай гишүүнийг зодож танхайрсан байна. Зодуулсан хүмүүс цагдаагийн байгууллагад хандан гомдол гаргажээ.
“Н.Энхбаяр гэдэг хүн сүүлийн гурав дөрвөн жил гишүүдийнхээ дунд би хэцүүдлээ, миний эрх зөрчигдөж байна гэж ярьсаар ирсэн. Намын гишүүд ч манай намын даргын эрхийг зөрчиж байна хэмээн сэтгэл зүрхээрээ тэмцсээр ирсэн. Гэтэл өнөөдөр Н.Энхбаяр өөрийн дэргэдээ байгаа хэдэн хүнтэйгээ нийлээд намынхаа жирийн гишүүдийнхээ эрхэнд нь халдаж байна гэсэн мэдээлэл хийлээ.
