Төсвийн байнгын хорооны хуралдаанаар УИХ-ын 58 дугаар тогтоолд тавьсан Ерөнхийлөгчийн хоригийг хэлэлцэж байна. Хуралдааны эхэнд Засгийн газрын гишүүдийг томилох асуудалд хэсэгчлэн хориг тавьсан асуудлаар ЕТГ-ын дарга танилцуулсан. Төсвийн байнгын хорооны хуралдаанаар хэлэлцэж буй асуудалтай холбогдуулж гишүүд үг хэллээ. УИХ-ын гишүүн Ж.Мөнхбат “Монгол Улсын Ерөнхийлөгч 30 гэр бүл гэдэг үндэслэлээр хориг тавьж болохгүй. Энэ бол буруу. Харин Сангийн сайд халамжийг хавтгайруулж 55 тэрбумыг цацаж болохгүй. Би Ч.Хүрэлбаатар сайдаас асуумаар байна. Та надад болон миний гэр бүлд ямар ч лиценз байхгүй гэж яриад байсан. Гэтэл Хотгор шанагын уурхайг гурван сая ам.доллараар зарсан баримт нь хэвлэлээр цацагдаж байна? Хэмээн асуулаа.
САНГИЙН САЙД Ч.ХҮРЭЛБААТАР: Миний гэр бүл Монгол Улсын өмч хувьчлалаар эвдэрхий тэрэг ч аваагүй
-Ч. Хүрэлбаатар миний гэр бүлд Монгол Улсын өмч хувьчлалаар эвдэрхий тэрэг ч аваагүй. Улсын төсвөөр нэг ч тендер аваагүй. Ж.Мөнхбат гишүүний ярьж байгаа Алтангэрэл гэдэг хүн манай ах нараас мөнгө зээлж аваад өгөлгүй хоёр жил болсон. Ингээд өрөндөө барьцаалж авсан юм. Тэрнээс манай гэр бүл нэг ширхэг ч эвдэрхий амбаар, өнчин ишиг аваагүй” хэмээн хэллээ.
