НИТХ-ын төлөөлөгч С.Мөнхчулууны төрсөн дүү С.Бямбацогт Баянгол дүүрэгт байрлах нэгэн шөнийн цэнгээний газрын үүдэнд сэлэм эргүүлж танхайрсан бичлэг цацагдаад байгаа. Тэгвэл энэ талаар Нийслэлийн ИТХ-ын төлөөлөгч С.Мөнхчулуун төрсөн дүү С.Бямбацогтынхоо асуудлаар Үндэсний шуудан сонинд тодруулга өгч өөрийн байр сууриа илэрхийлсэн байна.
Нийслэлийн ИТХ-ын төлөөлөгч С.Мөнхчулуун “Насанд хүрсэн хүний хаана, юу хийж явахыг би цагдана гэж байхгүй. Тус тусын амьдралаар амьдардаг хүмүүс шүү дээ. Юу болсон талаар надад хэлээгүй. Үнэхээр хууль зөрчсөн үйлдэл гаргасан нь үнэн бол хууль хяналтын байгууллага нь шалгаж тогтоох биз.Миний сонссоноор, найз нөхдийнх нь хэлснээр “Сүнсний баяр”-аар хэрэглэдэг тоглоомон сэлэм гэсэн. Үнэхээр мэдэх юм алга. Тэгээд ч энэ мэдээлэлд итгэхгүй байна” хэмээн хэлсэн байна.
