Ж.Батзандан О.Баасанхүүгээс уучлал гуйлаа
Өчигдөр УИХ-ын Аюулгүй байдал, байнгын хорооны хуралдаан дээр ТЕГ-ын дарга асан Б.Хурц болон УИХ-ын гишүүн Л.Болд нар нэлээд ширүүхэн маргалдсан. Харин өнөөдөр УИХ-ын чуулганы хуралдаан дээр Ж.Батзандан, О.Баасанхүү нар хоорондоо ширүүхэн үг бие бие рүүгээ хэлж маргалдсан.
УИХ-ын О.Баасанхүү:
-Дуудах нэрийг эцэг эх, дуурсах алдрыг өөрөө олдог. Их л утга учиртай нэр юм шүү. Ж.Батзандан гишүүн миний нэртэй холбож баас чацга гэж дуудах болохгүй. Хэлэх үгээ бодох хэрэгтэй. Бид залуу хүмүүс. Цаашдаа олон жил хамтдаа явах байх. Тиймээс найзыгаа үгээ бодож хэл гэж хэлье.
УИХ-ын гишүүн Ж.Батзандан
-Би нэртэй нь холбож муулаагүй. О.Баасанхүү өнгөрсөн дөрвөн жилд эр хүн шиг байсан. УИХ-д хоёр дахиа сонгогдоод шалчигнасан эр хүн болсон. Тийм болохоор нь би баас чацга гэж хэлсэн. Үүнээсээ уучлал гуйж байна. Одоо О.Баасанхүү дарга нарын машины хонины хонхорт төлөг шиг суугаад явдаг болсон. Баасанхүү бид хоёр найз байсан. “Эрдэнэт”-ийн 49 хувиас хойш найз байхаа больсон гэлээ.
Б.Хурцын томилгоог хойшлууллаа
2017-11-16 11:54
УИХ-ын чуулганы хэлэлцэх асуудлын эхэнд Монгол улсаас БНСУ-д суух бүрэн эрхэт элчин сайдад нэр дэвшиж буй Б.Хурцын томилгоог хэлэлцэж, тус асуудлыг хойшлууллаа. Учир нь УИХ-ын нэр бүхий 22 гишүүн томилгоотой холбоотой асуудлаар нийтийн сонсгол явуулах хүсэлт гаргасан. Гэвч тус сонсголыг явуулах нь хууль бус гэдгийг УИХ-ын Тамгын газраас мэдэгдсэн учир нийтийн сонсгол явуулах тухай горимын саналаар бус гишүүний нэр хүндтэй холбоотой асуудлаар тодруулах шаардлагатай байгаа тул Элчин сайдын томилгоог хойшлуулах санал гаргалаа.
"Б.Хурцын машины багажинд явсан нөхрөөр ажлаа заалгахгүй"
2017-11-16 11:41
УИХ-ын чуулганы хуралдаанаар Солонгос улсад Элчин сайдаар суух Б.Хурцын томилгооны асуудлыг хэлэлцэж байна. Өчигдөр УИХ-ын Аюулгүй байдал, байнгын хорооны хуралдаанаар БНСУ-д суух Элчин сайдад нэр дэвшигч Б.Хурцын асуудлыг хэлэлцсэн. Энэ үеэр хувь хүний болон төрийн нууцтай холбоотой нэлээд зүйл яригдсан. Тус хуралдаанаар Л.Болд гишүүн Батлан хамгаалахын сайдаар ажиллаж байхдаа Хойд Солонгост хоёр хүн цаазлуулсан, зэвсэгийн наймааны асуудлын талаар нэлээд ноцтой асуудал яригдсан. Харин өнөөдөр УИХ-ын чуулганы хуралдаанаар Б.Хурцын асуудлыг хэлэлцсэн ч Лу.Болд гишүүнтэй холбоотой асуудлаар Хяналтын дэд хороо хуралдаж шийдвэр гаргах хүртэл хойшлууллаа. УИХ-. гишүүн О.Баасанхүү, УИХ-ын гишүүн Ж.Батзандан нарын байр суурийг хүргэж байна.
О.Баасанхүү: 14 хоногийн дотор С.Зоригийн хэргийн алуурчныг зарлана гэсэн. Ц.Нямдорж сайдыг зарлах юм байна гэж ойлгосон. Би өнөөдөр УИХ-ын гишүүний хувьд хэнтэй ч уулзана. Өнгөрсөн жил надад гомдол ирсэн. Би ирэх нэгдэх өдөр албан ёсоор төрийн айлчлал хийнэ. Миний ойлгож байгаагаар цэрэг, генерал хэн нэгнээс тушаал аваад бусдын өмнөөс янз бүрийн шийдвэр гаргасан байж болно. Тэгвэл тушаал өгсөн хүмүүсийг нь дуудмаар байна. Хууль зүйн сайдыг авчир, ТЕГ-ын даргыг нь авчир., хаалтта хуралдъя. Миний харж байгаагаар Ц.Элбэгдорж гэдэг хүний хуулийн сонголттойгоор хүсвэл хэнийг ч шалгадаг, хүсэхгүй бол хэнийг ч шалгадаггүй ийм л зарчим үйлчлээд байна. МУ-ын Ерөнхийлөгч асан Н.Энхбаярыг хангалттай шалгасан шигээ бусдыг нь ч гэсэн шалгаач ээ.
Ж.Батзандан: "Би бөлдөг ярихаа болилоо. Бурантагтай гишүүд гэж хэлье. Нийтийн ашиг сонирхлын хөндсөн асуудлаар нийтийн сонсгол хийдэг. Гэтэл Элчин сайд нийтийн эрх ашгийг хамгаалахгүй гэж хэлсэн. Энэ хүн чинь тэнд ажиллаж амьдарч буй 40 мянган иргэний эрх ашгийг хамгаалах ёстой хүн. Монгол Улсын эрх ашгийг хамгаална. Томилгооны сонсгол хийх ёстой. Б.Хурцын машины багажинд явсан нөхрөөр ажлаа заалгахгүй. О.Баасанхүү шиг баас шиг юмны үгээр явахгүй. О.Баасанхүү бол миний араас явсан хуульч нэртэй хулгайч. Чамаар ажлаа заалгахгүй"
2017-11-16 11:24
Өчигдөр УИХ-ын Аюулгүй байдал, байнгын хорооны хуралдаанаар БНСУ-д суух Элчин сайдад нэр дэвшигч Б.Хурцын асуудлыг хэлэлцсэн. Энэ үеэр хувь хүний болон төрийн нууцтай холбоотой нэлээд зүйл яригдсан. Тус хуралдаанаар Л.Болд гишүүн Батлан хамгаалахын сайдаар ажиллаж байхдаа Хойд Солонгосоос зэвсэгийн наймаа, хүний амь нас хохирсон,хоёр хүн цаазуулсан асуудлын талаар нэлээд ноцтой асуудал яригдсан. Энэ асуудлаар ХЗДХ-ийн сайд Ц.Нямдорж байр сууриа илэрхийллээ.
