Харумафүжи Д.Бямбадоржийн холбогдсон хэргийн талаар Харумафүжи Д.Бямбадоржийн холбогдсон хэргийн талаар их аварга Хакүхо М.Даваажаргал мэдээлэл өгсөн байна. Хакүхо М.Даваажаргал "Ийм хэрэг явдал гарсанд уучлал хүсэж байна. Харумафүжи Таканоива А.Баасандоржийг шар айрагны шилээр цохисон асуудал байхгүй. Гартаа шар айрагны шил барьсан байсан нь хаа нэгтээ цохигдож хагарсан. Бөхчүүд хоорондоо ойлголцсон учир Таканоива ёкозуна Харумафүжигээс уучлал гуйсан. Маргааш өдөр нь тэд харилцан бие биенээсээ уучлал гуйсан" гэсэн тайлбар өгсөн байна. Үүнээс өмнө нь Их аварга Асашёорюү Д.Дагвадорж ч мөн твиттертээ “Пивоны шилээр цохиогүй юм билээ” хэмээн цахим хуудаснаа бичсэн байсан билээ.
