Мэргэжлийн сүмогийн 70 дахь ёкозуна Харумафүжи Д.Бямбадорж нутаг нэгтнээ зодож хүнд бэртээсэн талаар Японд дуулиан тарьж байна. Таканоива А.Баасандоржийн гавал цуурч, хүнд гэмтэл учирсан гэх Японы шүүх эмнэлгийн дүгнэлт, тодорхойлолт гарсан мэдээлэл цацагдсан. Харин сүүлийн үеийн мэдээллээр энэ хэргийн буруутнаар Таканоива А.Баасандорж түүний дэвжээний багш Таканохана Ояката нарыг буруутгаж эхэлсэн байна. Учир нь Харүмафүжи Д.Бямбадорж Таканоива А.Баасандорж нар маргалдсан нь үнэн боловч, пивоны шилээр цохьсон гэдэг нь ор үндэслэлгүй гэсэн байна. Ингэж худлаа мэдээлэл цацах шалтгаан байсан аж.Тодруулбал, Таканохана Ояката удахгүй Сумогийн холбооны ерөнхийлөгчид нэр дэвшихээр зэхэж буй юм байна. Таканохана Ояката нь Таканоива А.Баасандоржийн дэвжээний багш нь аж. Таканоива А.Баасандоржийн гавал цуурч, хүнд гэмтэл учирсан гэх Японы шүүх эмнэлгийн дүгнэлт, тодорхойлолтыг багш Таканохана Ояката нь хуурамчаар үйлдүүлсэн нь илэрсэн гэсэн мэдээлэл өнгөрсөн амралтын өдөр цацагдсан. Таканохана Ояката нь Сумогийн холбооны ерөнхийлөгч болохын тулд, дэвжээнийхээ болоод өөрийнхөө нэр хүндийг өсгөхийн тулд ийнхүү монгол сүмочдыг ашигласан гэсэн мэдээлэл цацагдаж байгаа.
Японы Daily sport japan-ий мэдээллээр Таканоива А.Баасандоржийн онош дээр бичигдсэн гавлын яс хугарсан гэсэн шинж тэмдэг нь тун эргэлзээтэй байгаа аж. Тус оношийг бичсэн бичсэн эмчээс хуулийн байгууллага тодруулга авсан байна. Оношийг бичсэн эмчийн мэдэгдэж буйгаар бол “барилдахад хэвийн” гэсэн онош тавьсан аж. Гэтэл хэд хоногийн дараа Таканоива А.Баасандоржийн гавлын яс хугарсан гэсэн оношийг хараад эмч нар гайхаж хүлээж авсан хэмээн эмч нар мэдүүлэг өгсөн байна. Харүмафүжи Д.Бямбадоржийг Японы Сүмогийн холбооны албаны хүмүүс дуудаж мэдүүлэг авсан бөгөөд тухайн үед байсан бүх хүмүүсээс мэдүүлэг авна хэмээн мэдэгдсэн байна.