2017.11.21 20.15
МАН-ын 28-р их хурал хоёр дахь өдрөө үргэлжилж байна. Өнөөдөр 16.00 цагийн үед МАН-ын даргыг тодруулах санал хураалт эхэлсэн. Дөнгөж сая санал хураалтын урьдчилсан дүн гарсан байна. МАН-ын даргад Ерөнхий сайд У.Хүрэлсүх, МАН-ын Бүлгийн дарга Д.Хаянхярваа нар өрсөлдөж, урьдчилсан дүн мэдээллээр Ерөнхий сайд У.Хүрэлсүх 63 хувиар ялалт байгуулсан байна. Албан ёсны мэдээллийг тун удахгүй хүргэх болно.
2017.11.21 16.15
МАН-ын даргад У.Хүрэлсүх, УИХ дахь МАН-ын бүлгийн дарга Д.Хаянхярваа нар тунаж үлдсэн. Харин дөнгөж сая МАН-ын даргын санал хураалт эхэллээ.
Ж.Мөнхбат нэрээ татаж У.Хүрэлсүх, Д.Хаянхярваа нар тунаж үлдлээ
2017-11-21 15:00
МАН-ын Их хурал хоёр дахь өрдөө хаалттай үргэлжилж байгаа билээ. Яг одоо намын Их хурлаар заалнаас намын даргад нэр дэвшүүлж байна. УИХ-ын гишүүн Ж.Мөнхбатыг заалнаас намын даргад нэр дэвшүүлсэн. Харин дөнгөс сая УИХ-ын гишүүн Д.Хаянхярваа Ж.Мөнхбатыг нэрээ татах санал тавилаа. Тун удалгүй УИХ-ын гишүүн Ж.Мөнхбат нэрээ татаж У.Хүрэлсүх, Д.Хаянхярваа нар тунаж үлдлээ.
Ж.Мөнхбатыг заалнаас намын даргад нэр дэвшүүллээ
2017-11-21 14:50
МАН-ын Их хурал хоёр дахь өдрийн үдээс хойшхи хуралдаанаар хаалттайгаар дөнгөж сая хуралдаж эхэллээ. Хурал эхлэхтэй зэрэгцэн заалнаас МАН-ын даргад УИХ-ын гишүүн Ж.Мөнхбатыг нэр дэвшүүлэх санал гаргасан байна. Ингэснээр МАН-ын арга Ерөнхий сайд У.Хүрэлсүх, МАН-ын Бүлгийн дарга Д.Хаянхярваа нартай намын даргад өрсөлдөхөөр болоод байна.
Н.Дэмбэрэл Хүрэлсүхийг дэмжихээ мэдэгдэж, нэрээ татлаа
2017-11-21 14:40
АН-ын даргад Ерөнхий сайд У.Хүрэлсүх, УИХ-ын гишүүн, МАН-ын бүлгийн дарга Д.Хаянхярваа, МАН-ын гишүүн Н.Дэмбэрэл нар нэр дэвшихээ хэд хоногийн өмнө мэдэгдсэн. Дөнгөж сая МАН-ын гишүүн Н.Дэмбэрэл нэрээ татахаа мэдэгдлээ. Тэрбээр "МАН-ын даргад нэр дэвшиж буй Ерөнхий сайд У.Хүрэлсүхийг дэмжихээ илэрхийлэн нэрээ татлаа.
