Иргэд, аж ахуйн нэгжүүд Ерөнхийлөгчийн сонгуульд оролцсон хоёр намд нийт 13.3 тэрбум төгрөгийн хандив өгсөнийг Үндэсний аудитын газраас гаргасан байна. Үндэсний аудитын газар Сонгуулийн хуулийн дагуу Монгол Улсын Ерөнхийлөгчийн сонгуульд оролцсон нам, нэр дэвшигчийн хандивын зардлыг 90 хоногийн дотор хянаж олон нийтэд мэдээлэх үүрэгтэй.Энэ дагуу Монгол Улсын Ерөнхийлөгчийн сонгуульд нэр дэвшигчдийн хандивын тайланд хийсэн хяналтын мэдээллийг Үндэсний аудитын газраас зарласан байна. Тодруулбал, Монгол Ардын Хувьсгалт намаас нэр дэвшсэн С.Ганбаатар 5.5 мянган иргэн 8.6 тэрбум төгрөгийг иргэд хандивласан байна. Нэр дэвшсэн Х.Баттулгад 1643 иргэн, 18 аж ахуйн нэгжээс 3.5 тэрбум төгрөг хандивласан нь хамгийн өндөр дүн болсон байна.
Харин МАН-аас нэр дэвшсэн М.Энхболдод 1436 иргэн, 17 компани 2.8 тэрбум төгрөгийн хандив өгсөн бол МАХН-аас нэр дэвшсэн С.Ганбаатарт 2476 иргэн, хоёр компаниас 2.85 тэрбум төгрөгийн хандив өгчээ. Компаниудаас цугласан хандивыг харвал “Талх чихэр”, “Нүүдэл” зэрэг компаниуд зөвхөн Ардчилсан намын нэр дэвшигчид охин компани тус бүрээсээ хандив өгсөн байна.
Мөн “MCS” групп зөвхөн МАН-аас нэр дэвшигчид хоёр охин компаниасаа хандив өгчээМөн үүнээс гадна АН, МАН-ын нэр дэвшигчдэд хоёуланд “Монос” групп хандив өгсөн байна. Тус групп охин компани бүрийнхээ нэрээр 15 сая төгрөг хандив өгсөн бөгөөд ингэснээр МАН-ын дарга М.Энхболдод 45 сая төгрөг, АН-аас нэр дэвшсэн Х.Баттулгад 30 сая төгрөг хандивлажээ. Монос группийн охин компани болох Монос хүнс, Монос фарм, Монос косметик тус бүр 15 сая төгрөг нийт 45 сая төгрөгийг МАН-аас нэр дэвшигч М.Энхболдод хандивлажээ.
Мөн АН-аас нэр дэвшигч Х.Баттулгад Монос Улаанбаатар, Моносфарм трейд тус бүр 15 сая төгрөг буюу нийт 30 сая төгрөгийг хандивласан байна.
Нийт дүнг нэгтгэвэл МАН-аас нэр дэвшигч М.Энхболдод – 2 тэрбум 807 сая
АН-аас нэр дэвшигч Х.Баттулгад – 3 тэрбум 525 сая
МАХН-аас нэр дэвшигч С.Ганбаатарт – 2 тэрбум 857 сая төгрөгийн хандив тус тус өгчээ.