Төмөр замын хэрэгт сэжиглэгдэн интерполоор эрэн сурвалжлагдаж байсан Ч.Ганбатыг ОХУ-д саатуулсан гэх мэдээлэл цацагдаж эхэллээ.Ч.Ганбатыг төмөр замын төслөөс мөнгө угаасан гэх үндэслэлээр Интерполоор эрэн сурвалжлаад байсан. Өнгөрсөн онд “Шинэ төмөр зам” төслөөс болж ЗТЯ-ны Төрийн нарийн бичгийн дарга асан Б.Батзаяаг Эрүүгийн цагдаагийн газраас баривчилсан байдаг. Түүний баривчилгаатай холбогдуулан “Либерти Партнерс” ХХК-ийн захирал Ч.Ганбатыг сэжигтнээр татан байцаан шалгах гэсэн боловч тэрбээр хилийн чанадад байгаа тул интерполоор эрэн сурвалжилж байсан. Харин энэхүү мэдээллийг Гадаад харилцааны яам "хэрэв саатуулсан бол ОХУ-аас бидэнд албан бичиг ирүүлэх ёстой. Манайд тийм бичиг өгөөгүй" гэсэн мэдээллийг өглөө.