Монгол Улсын Ерөнхийлөгчийн санаачилгаар “Хүүхэд, эмэгтэйчүүдийг хүчирхийллээс хамгаалах төрийн бодлогын хэрэгжилтийг сайжруулах, олон нийтийн оролцоо, хяналт" сэдэвт нээлттэй хэлэлцүүлэг өнөөдөр боллоо.
Хэлэлцүүлэгт Монгол Улсын Ерөнхийлөгч Х.Баттулга оролцож хэлсэн үгэндээ “Хүүхдийн хүчирхийлэлтэй холбоотой өдөр бүр сэтгэл сэрдхийлгэм гэмт хэрэг гарч байна. Бага насны хүүхдийг хүчирхийлж, тарчлааж алсан гэмт хэрэгт цаазын ялыг сэргээх саналтай байна. Энэ төрлийн гэмт хэрэг үйлдсэн этгээдэд өршөөл үзүүлэхгүй” гэлээ.
Мөн тэрбээр өнөөдөр Хууль зүй, дотоод хэргийн яаманд энэ саналаа хүргүүлж байгаагаа мэдэгдлээ.
