“Монгол дахь бэлчээрийн мал аж ахуй, засаглал болон зудын эрсдэл” чуулганыг Ус, цаг уур орчны судалгаа мэдээллийн хүрээлэнгээс өчигдөр зохион байгууллаа. Өнгөрсөн зун нийт утгаар гандуу байсан учир бэлчээрийн даац хангалтгүй, өвөлжилт, хаваржилт хүндрэх эрсдэлтэй байгааг чуулганд оролцогчид болон албаныхан онцолсон байна. Мөн энэ өвөл нийт нутгийн 30 гаруй хувьд зуд болох эрсдэл өндөр байгаа гэдгийг сануулжээ.
Одоогоор их хэмжээний цастай байгаа, зун нь гандсан, бэлчээрийн даац муу байгаа нутгуудыг эрсдэлтэйд тооцож байгаа бөгөөд цас нэмж орвол зудын нөхцөл байдал бий болох юм байна.
