Өвлийн улиралд угаарын хийгээр хордож амь нас, эрүүл мэндээрээ хохирох тохиолдол эрс нэмэгддэг бөгөөд ихэвчлэн ахуйн орчинд гэр бүлээрээ угаартах тохиолдол гардаг учраас үүнээс урьдчилан сэргийлэх шаардлагатайг санууллаа.
Тухайлбал, Хордлогын яаралтай тусламжийн үндэсний төвийн сүүлийн 5 жилийн мэдээгээр нийт 2300 гаруй хүн хордож хэвтэн эмчлүүлсний бараг тал хувь нь нүүрсхүчлийн хийгээр хордсон тохиолдол байгаа юм.
Хэрэв угаартсан тохиолдолд эмнэлгийн байгууллагад шууд хандах нь чухал гэдгийг хэлж байна. Учир нь эм, сүү, ус уух зэргээр дур мэдэн эмчлэх оролдлого хийх нь хордлого тайлах эмчилгээг удаашруулах эрсдэлд хүргэдэг гэдгийг санууллаа.