Монгол Улсын нутаг дэвсгэр дээр амьдарч байгаа хэн ч бай ижил тэгш эрхтэй бөгөөд МУ-ын үндсэн хуулийг дагаж мөрдөх ёстой. Гэтэл харамсалтай нь манай урд хөршийн иргэн монгол залуустай нийлэн ядарсан эмэгтэйг зодож дарамталжээ. Хятад хүмүүст манай улсын хууль дүрэм үйлчлэхгүй юм шиг дураараа авирлаж, хуулийг гууль болгож байна. Өнгөрсөн оны наймдугаар сард Хятадын иргэн Дэлгэр, эрэгтэй, эмэгтэй хоёр монголтой нийлэн Н.Ариунаа гэгч бүсгүйг зоджээ. Манай улсын ядарсан эмэгтэйг зодож дарамталсан Дэлгэр өмнө нь мөн л ийм төрлийн гэмт хэрэгт орж байжээ. Нэгэн эх сурвалжаас авсан мэдээллээр Дэлгэрийг хамгаалдаг хурандаа байдаг гэсэн мэдээлэл өглөө. Ингээд Хятадын иргэн Дэлгэр болон монголын хоёр иргэнд зодуулсан Н.Ариунаатай ярилцлаа.
-Тухайн хэрэг хэзээ гарсан бэ. Таныг ямар шалтгааны улмаас зодсон бэ?
-Энэ хэрэг 2015 оны наймдугаар сарын 14-15-нд шилжих шөнө Налайхын Гордокт болсон. Би Хятадын иргэн Дэлгэр, Монголын иргэн Н.Оюунсаруул, Н.Одбаатар нарт зодуулсан. Тэр хүмүүс ямар ч шалтгаангүйгээр намайг бүлэглэн зодсон. Тэр хүмүүсээс би байр худалдаж авахаар болж, урьдчилгаа мөнгөө төлсөн байсан. Тэр хүмүүст зодуулах шалтгаан надад байхгүй.
-Тэр хүмүүс барилгын компанитай юм уу. Та байрны урьдчилгаа хэдэн төгрөг төлсөн бэ?
-Байр барьсан юм байна лээ. Захиалагч талын захирал Оюунсаруул, харин Дэлгэр нь хөрөнгө оруулагч нь гэж ойлгосон. Харин нөгөө Одбаатар нь Оюунсаруултай сүүлд суусан нөхөр нь, суугаад удаагүй байгаа. Тэдний компанийн нэрийг “Их Зун” констракшн гэсэн.
-Тэр хүмүүст зодуулсаныхаа дараа гэмтэлийн зэргээ тодорхойлуулсан уу. Одоо таны биеийн байдал хэр байна?
- БНХАУ-ын иргэн Дэлгэр намайг утсаараа хэд, хэдэн удаа зохиж, гэдэс хэвлий рүү хэд, хэдэн удаа өшиглөж, хүзүүн дэх гинжээр хоолой боож, толгой түрүүгүй зохисон. Доод давхараас Одбаатар, Оюунсаруул нар ороод ирэхээр нь адилхан монгол хүмүүс байна намайг өмгөөлөх байлгүй гэж бодоод “Би Дэлгэрт зодуулчихлаа” гэтэл Одбаатар “чи битгий сүржигнээд бай, Чамайг алсан ч яадаг юм” гээд хоолой боож, хэд хэдэн удаа зохисон. Үүний хажуугаар түүний эхнэр Оюунсаруул заамдан хумсаараа цээжийг минь урсан. Одоо миний цээж гүн, гүнзгий сорвитой. Хоолой байнга өвдөж, толгой бөөр гээд өвдөхгүй юм байхгүй.
-Таны дүү бас тэр хүмүүст зодуулсан гэсэн. Тэр талаар мэдээлэл өгөхгүй юу?
-Би тэр хүмүүст зодуулчихаад дүү рүүгээ утасдаж “Би хүнд зодуулчихлаа, намайг ирээд аваадах” гээд дуудсан. Тэгээд удалгүй манай дүү ч ирсэн. Тэр хүмүүст миний бичиг баримттай цүнх байсан учраас, тэр цүнхийг авах гэж ороод бас зодуулсан. Тэгээд манай дүү ороод Дэлгэр, Одбаатар, Оюунсаруул нар руу “Та нар яах гэж хүнийг ийм болтол зодож байгаа юм бэ” гэж асуутал үгийн зөрүүгүй “Та нарыг алсан ч яадаг юм” гээд тал талаас нь зодсон байсан. Тухайн үед өмссөн байсан цамцаар толгойг нь ороож байгаад зодсон гэсэн. Манай дүү ч хөнгөн зэргийн гэмтэлтэй, одоо ч тархи толгой өвддөг ийм л байдалтай байна. Миний дүү эгчийгээ өмөөрсөний төлөө зодуулж, мөн дээрээс нь сэжигтэнээр татагдаад байна.
-Сэжигтнээр татагдан шалгагдаж байгаа гэсэн үг үү?
-Тийм. Миний дүү цагдаагийн байгууллагад ажилладаг. Одоо ажлаа хийж байгаа. Ганц эгчийгээ өмөөрч байгаад одоо хэрэгтэн болох гэж байна. Би тухайн хэрэг гардаг өрдөг Налайх дүүргийн цагдаагийн хэлтэст гомдол гаргасан. Тухайн хэрэг 99.2 эрүү үүсгэн шалгаж эхэлсэн. Хэрэг шалгаж эхлэх үед дүү бид 2 хоёулаа хохирогчоор явж байсан. Цагдаагийн байгууллага хэрэг дуусах шатандаа явж байна, санал гомдол юу байна хэрэг дууслаа гэж байтал гэнэт нэг өдөр манай дүү рүү утасдаад сэжигтэнээр татаж, дотоод хяналт руу шилжүүлнэ гэсэн. Дүүг 99.1-ээр эрүү үүсгэн шалгаж байна.
-Таныг зодсон Хятад иргэн Дэлгэр цагдаагийн байгууллагад нэлээд томхон танилтай гэсэн. Та энэ талаар мэдэх үү?
-Зун тэр хүмүүс нэг ресторанд хоол идэж байсан. Тэгэхэд би ч гэсэн тэр ресторанд хоол идээд гарсан юм. Дэлгэртэй хамт цагдаагийн дүрэмт хувцастай гурван том таван хошуутай хурандаа хамт хоол идээд сууж байсан. Гэхдээ би тэр хурандаагийн нэрийг нь хэлмээргүй байна. Одоо миний хэрэг хэрэгсгэхгүй болох гэж байгааг харахад тэр хүмүүс цагдаад нэлээд танилтай юм байна гэж бодсон. Энэ талаар гомдолоо ч гаргасан. Миний гомдолын дагуу ЦЕГ-аас дуудаж, хэдэн хүний зургийг өгч тухайн хүнийг заана уу гэсэн. Би ч тухайн үед байсан хурандаагийн царайг сайн санаж байгаа учраас зургийг нь заасан. Түүнээс хойш намайг ЦЕГ дуудаагүй.
-Хэрэг гарсанаас хойш таныг хохироосон хүмүүстэй уулзсан уу?
-Би байр авахаар урьдчилгаа болох 25 сая төгрөг төлсөн. Гэтэл өнөөдрийг хүртэл би байрандаа орж чадаагүй, эрүүл мэнд, сэтгэл санаа гээд бүх юмаараа хохирчоод байна. Байрандаа оръё гэж хэлсэний төлөө намайг ийм болтол нь зодож, миний дүүг хүртэл зодсон байхад хэргийг хэрэгсгэхгүй болох гэж байна. Тэр хүмүүс намайг зодсоноос хойш нэг ч удаа залгаж, уучлалт гуйгаагүй. Хуулийн байгууллага үнэн мөнөөр шийдэж, зохих хариуцлагыг хүлээлгэх ёстой. Би жирийн нэг ядарсан эмэгтэй. Намайг өмөөрч хамгаалах хүн байхгүй гээд Хятад хүнд хууль үйлчлэхгүй байгаа юм уу. Монгол Улсын газар нутаг дээр амьдарч байгаа хэн ч бай хууль ижил тэгш үйлчлэх ёстой. Энэ хэргийг би эцсийг нь хүртэл би тэмцэх болно. Тэр хүмүүс заавал зохих шийтгэлээ үүрэх хэрэгтэй.
Энэ мэт Хятадын иргэн манай улсын ядарсан эмэгтэй зодсоноос гадна түүний дүү болох төрийн цагдааг ч мөн зодсон байна. Хятадын иргэн Дэлгэр өмнө нь мөн монголын иргэнийг зодож байсан талаар мэдээлэл ч бас байна. Бид дараагийн дугаартаа Дэлгэрийн өмнөх хэргийн талаар болон түүнийг өмгөөлдөг Цагдаагийн хурандаа хэн гэгч болох талаар мэдээлэлийг хүргэх болно. Дэлгэрийг хамгаалдаг хурандаа "Монголд байгаа цагтаа юунаас ч битгий ай. Би бүгдийг зохицуулна" гэж хэлдэг гэсэн. Энэ талаарх мэдээлэлийг хүргэх болно.
Б.Анх
