Өнөөдөр УИХ-ын чуулганы нэгдсэн хуралдаанаар 2018 оны төсвийн зарлагын хэсэгт тавьсан Ерөнхийлөгчийн хоригийг хэлэлцээд хүлээж аваагүй. Энэ үеэр УИХ-ын гишүүн Л.Болд "Төрийн ордны барилгын засвар нэг тэрбум төгрөг байна. MNB дэлхий MNB спорт гэсэн хоёр суваг нэмэх юм байна. Ингэж байхаар MNB МАН гээд өөрчилчихмөөр юм. Бидний үгээ хэлэх боломжийг парламентын суваг л олгож байна" хэмээн хэллээ. Харин УИХ-ын гишүүн Б.Бат-Эрдэнэ "Би их хуралд дөрвөн удаа сонгогдсон. Миний өрөөний хаалга бороороо л байгаа. Харин зэрэгцээ өрөөнүүдийн хаалга жилд дөрвөн удаа солигдож байна. Бид хэмнэлтийг өөрсдөөсөө эхлэмээр байна. Өрөө тасалгаагаа сольж, засварын мөнгө гаргахаа больмоор юм. Төсвийн хэмнэлттэй бодлого руу шилжмээр байна” гэсэн шүүмжлэлийг хэллээ.
Б.Бат-Эрдэнэ: Миний өрөөний хаалга бороороо байхад зэрэгцээ өрөөнүүдийнх жилд 4 удаа солигдож байна
2017-12-07 15:11:28