Дэлхийн бөхийн нэгдсэн холбооноос олимп, ДАШТ-д түрүүлсэн тамирчин 25, мөнгө 20, хүрэл 15, тав-10, долоо-8, Тивийн аваргад 1-12, 2-10, 3-8, 5-6, 7-4, 8-2 гэх мэт оноог өгөхөөр шийдвэрлэсэн. Жин тус бүрт хэчнээн тамирчин оролцсон нь оноонд нэлээд түлхэц өгөх юм. Жишээлбэл ирэх жилийн ДАШТ-д 70 кг-ын жинд 40 бөх барилдлаа гэж үзэхэд түрүүлсэн бөх 25+40=65 оноо авна. ДБНХ ирэх жилийн гуравдугаар сарын 1-ээс чансааг албан ёсоор гаргаж өөрийн вебсайтад байрлуулах юм.Түүнчлэн чөлөөт бөхийн эрэгтэй тамирчид Иван Ярыгиний “Алтан Гранпри”, Тбилисигийн Гранпри, Александр Медведийн нэрэмжит ОУТ, Өмнөд Африкийн нээлттэй тэмцээн, “Монголиа Опен”, “Клиппан”, БНХАУ, Польшийн нээлттэй тэмцээнүүдээр дэлхийн чансааны оноо олгох юм. Дээрх тэмцээнүүдэд түрүүлсэн бөх 8, мөнгө 6, хүрэл 4, тавдугаар байр 2 оноо цуглуулна.
Ямартай ч “Монголиа Опен” тэмцээний нэр хүнд, цар хүрээ хэрхэн өссөнийг баталлаа. ДБНХ ирэх жилээс эхлэн чансааны оноо олгох тэмцээнийг туршилтаар явуулж, 2019 оноос бүрэн хэрэгжүүлэхээр шийджээ
