Гарцаар гарч явсан охиныг мөргөж гэмтээсэн зам тээврийн ослын бичлэг цахим ертөнцөөр цацагдаж иргэдэд багагүй сэрэмжлүүлэг хүргэсэн. Тэгвэл уг Зам тээврийн осол нь 2017 оны 11 сарын 27 өдөр Баянгол дүүргийн нутаг Автовокзалын хойд замд гарчээ. “Toyota Spacio” маркийн автомашин тухайн үед гарцаар гарч явсан 10 настай Н-г мөргөж гэмтээсэн байна. Машины жолооч 71 настай байсан аж. Осол гаргагч гэрлэн дохио зөрчин, уулзвараар нэвтэрсэн бөгөөд тэрбээр Замын Цагдаагийн албанд болсон явдлын талаар ийн ярьжээ.
Азаар охины бие хэвийн байгаа бөгөөд аав, ээж нь гомдолгүй хэмээн мэдүүлж, жолооч замын хөдөлгөөний дүрэм зөрчсөнөө зөвшөөрч, буруугаа хүлээсэн байна.