Хууль зүй, дотоод хэргийн сайд Ц.Нямдорж цагдаагаар хамгаалуулан урсгал сөрөн давхиж замын хөдөлгөөнд оролцож буй уг зургийг олон нийтийн сүлжээнд нэгэн иргэн тавьжээ. Уг нь тэрбээр Монгол Улсын хууль дүрмийг чанд мөрдөх ёстой хүмүүсийн нэг. Гэтэл ажил эхлэх үеэр замын хөдөлгөөнд саад учруулж урсгал сөрөхдөө энгийн иргэдэд түвэг учруулсан хэмээн бухимдсан хүмүүс цөөнгүй байна.
Цагдаагаар хамгаалуулсан гээд давуу эрх эдлэх ёсгүй гэх иргэд ч байна. Хуулинд зааснаар жолооч эсрэг урсгал сөрсөн бол хөдөлмөрийн хөлсний доод хэмжээний тавин хувьтай тэнцэх төгрөгөөр торгож, тээврийн хэрэгсэл жолоодох эрхийг зургаан сараас нэг жил хүртэл хугацаагаар хасах шийтгэл хүлээлгэнэ хэмээн заасан байдаг. Тэгвэл хуулийн энэ заалт Хууль зүйн сайдад үйлчлэх эсэхийг харахыг хүссэн хүмүүс байна.