УИХ дахь МАН, АН-ын бүлэг даваа гариг бүр хуралддаг уламжлалтай. Тэгвэл МАН-ын бүлэг өнөөдөр хуралдахгүй, маргааш хуралдах юм байна. Учир нь өнөөдөр “Монгол Улсын Үндсэн хуульд нэмэлт, өөрчлөлт оруулах онол-практикийн асуудлууд” эрдэм шинжилгээний хурал Төрийн ордонд болж байгаа учраас намын бүлгийн хурлаа хойшлуулсан байна. Харин УИХ дахь Ардчилсан намын бүлэг хуралдаж байгаа бөгөөд Төв банкны тухай хуулийн талаар хэлэлцэж байна. Энэ асуудлаар АН-ын бүлэг өнөөдөр өдөржин хуралдах учраас мэдээлэл хийхгүй юм аж.
