"Атар" талхнаас даавуу гарчээ

"Талх чихэр" хувьцаат компанийн Атар талхнаас даавуу гарчээ. Монголчуудын олон жил хүнсэндээ хэрэглэж ирсэн Атар талхийг үйлдвэрлэгч "Талх чихэр" компани нь үе, үе ийм алдааг гаргадаг. Өмнө нь Атар талхнаас төмөр бас цустай хурууны боолт зэргүүд гарч байсан. Тэр бүхэнд хүнсний аюулгүй байдлын асуудал хөндөгддөг ч удалгүй чимээгүй болдог билээ. Тэгвэл энэ удаа тус талхнаас даавуу гарлаа. Мэргэжлийн хяналтын газрыг ажлаа сайн хийгээгүйгээс иргэд баталгаагүй, аюултай хүнс хэрэглэж байна хэмээн олон нийт шүүмжилж байна. 

Энэ талаар бид "Талх чихэр" компанийн хэвлэл мэдээлэл, олон нийттэй харилцах хэлтэстэй холбогдож асуух гэсэн боловч хариуцсан мэргэжилтэн нь эзэнгүй байна гэх тайлбарыг хийв.