УИХ-ын гишүүн С.Бямбацогт 2018 оны отгон чуулганы хуралдааны хэлэлцэх асуудлын эхэнд агаарын бохирдлыг бууруулах асуудлыг хэлэлцэж, нийтээрээ утаа гэгч дайсантай тэмцэхийг хүслээ. Тэрээр “Ерөнхийлөгч, УИХ ,ЗГ, нам хороондоо л үзэлцээд байдаг. Ингэхийн оронд бүгд нийлээд утаатай байлдмаар байна. Дайсан гэж байдаг бол монголчууд бидний дайсан утаа болчихсон байна. Дайснаа дарж авъя л даа. Ерөнхийлөгч, ЗГ, УИХ, намууд, ТББ, иргэдтэйгээ бүгд хамтдаа утаатай байлдая. Утаагаа л дараад авмаар байна. 2017 оны гуравдугаар сард Агаар орчны бохирлыг буруулах үндэсний хөтөлбөр батлагдсан. Энэ хөтөлбөрт утааг дарах бүх шийдэл суусан, тодорхой ажлууд ч хийгдэж байсан. Энэ ажлуудыг үргэлжлүүлэх, эрчимжүүлэх, УИХ, ЗГ ажлаа уялдуулах вэ гэдэг төвлөрч ажиллая. Тэрнээс биш хэсэг бүлгээрээ эмнэлэг хэсээд, гэр хороололд очоод, маск тарааж шоудсан, аргалсан, хэлбэрдсэн байдлаар хандаад бид утааг дарж чадахгүй ээ. Бодлого гаргамаар байна. Ерөнхийлөгч, ЗГ-ыг байлцуулан яаралтай хуралдан урт хугацаанд, богино хугацаанд ингэж ажиллая гэсэн шийдлийг яаралтай гаргах хэрэгтэй байна. 2018 оны УИХ-ын чуулганы хуралдааны хэхэнд энэ асуудлыг хэлэлцэж ярихыг хүсч байна” гэсэн юм.
Дашрамд, УИХ-ын гишүүн С.Бямбацогт агаарын бохирдол онц байдал зарлах хэмжээний гамшгийн байдалд хүрсэнтэй холбогдуулан богино болон урт хугацаанд хэрэгжүүлэх саналаа Монгол Улсын Ерөнхий сайд У.Хүрэлсүхэд хүргүүлээд буй юм.
.jpg?1751336683043)
.jpg?1751336552317)
