Монгол оюутан амиа алдсантай холбоотойгоор ЭСЯ-ны ажилтнууд Шанхайд ажиллаж байна

БНХАУ-ын Шанхай хотод суралцаж байсан монгол оюутан бусдын гарт амиа алдсан мэдээлэл өчигдөр цацагдсан. Хэрэг явдлын талаар тодорхой мэдээлэл одоогоор алга байгаа бөгөөд тус хэрэг оны төгсгөлд гарчээ. Талийгаач Шанхай хотод магистрт суралцаж байсан аж. Одоогийн байдлаар ар гэрийнхэн нь хоёр хоногийн өмнө  Шанхай хотыг зорьсон бол  манай улсын БНХАУ-д суух Элчин сайдын яамнаас томилогдсон ажилтнууд Шанхайд ажиллаж байгаа аж. Юу болсон талаар тодруулсаны дараагаар мэдээлэл өгнө хэмээн албаны хүн мэдээлэл өглөө.