БСШУ-ны сайд Ц.Цогзолмаа саяхан Амайгийн бичсэн номуудыг “хэнд ч хэрэггүй” гэсэн мэдэгдлийг телевизээр хийсэн талаар мэдээлэл цацагдаад байгаа. Ц.Цогзолмаа сайдын хэлсэн гэх үгэнд аялагч Амай ундууцан “Миний номыг сөхөж хараагүй байж энэ олон эрдэмтэн, хүний хөдөлмөр, мянга мянга уншигчдыг ийн дайрч болохгүй.Тиймээс би өнөөдрөөс аппаратаа салгана. Ц.Цогзолмаа сайд надаас албан ёсоор уучлал гуйх ёстой” хэмээн мэдэгдээд байгаа. Тэгвэл дээрх мэдэгдэлтэй холбогдуулан сайд Ц.Цогзолмаа Ж.Золбаярын аавтай уулзаж, ярилцжээ. Тэрбээр энэ талаар өөрийн цахим хуудастаа, “Монгол бадарчин Амай буюу Ж.Золбаярын аав доктор Цэен-Норовын Жамбалсүрэн гуайтай биечлэн уулзаж ТВ-ээр ярьсан 5 боть ном нь Амайгийн ном биш болохыг тодруулан тайлбарлаж бодит мэдээллийг өглөө” хэмээн бичсэн талаар мэдээллийг өглөө хүргэсэн.
Тус мэдээллийг сонссон Аялагч Амай сайдаас уучлалт гуйхаар болсон байна. Монгол бадарчин Амай буюу Ж.Золбаяр өөрийн цахим хуудсаараа дамжуулан уучлалт гуйжээ. Тэрбээр “Би анх удаа ийм алдаа гаргасан болохоор яаж гэмээ цайруулж, уучлалт гуйхаа маш их бодлоо. Би өнөөдөр өөрөөсөө биш сайдаас уйчлалт гуйхаар болсноо ойлголоо. Сошиалийн мэдээлэлд хэтэрхий автаж, ийм байдал гаргасандаа сэтгэл өвдөж байна. Сайд Ц.Цогзолмаа аавтай минь өчигдөр уулзаж, болсон явдлын талаар хэлсэн байна.Би эмчилгээгээ зогсоож, хоёр хоног их зүйл бодлоо. Хөдөө ирсэн ч гэлээ энэ хугацаанд их зүйл бодогдож, өнөөдөр өмнө нь тараад байсан мэдээлэл худал болохыг ойлголоо. Би маргааш хот ороод аппаратандаа орно. Надад маш том сургамж боллоо. Цаашид сошиалаар тарж буй мэдээлэлд хэт автахгүй байж, үнэн зөв мэдээлэл авч байх болно. Төрийн сайдын нэр хүнд болон гэр бүлээс уйчлалт гуйж, түүний нэр хүндэд халдсандаа харамсаад барахгүй байна. Тиймээс сайдаас уучлалт хүсэж, өөрийн алдаагаа засах болно" хэмээн хэлсэн байна.
.jpg?1751336683043)
.jpg?1751336552317)
