Монгол эмч дэлхийн хамгийн эртний шинжлэх ухааны академуудын нэг болох Францын мэс заслын академийн гишүүнээр өргөмжлөгджээ. ХСҮТ-ийн ерөнхий захирал, Анагаах ухааны доктор Ж.Чинбүрэн өнөө өглөө гэр бүлийхнийхээ хамт Франц улсын нийслэл Парис хотыг зорьсон байна.
Тэрбээр он солигдохын өмнөхөн Францын мэс заслын академийн хүндэт гишүүнээр өргөмжлөгдсөн бөгөөд энэхүү нэр хүндтэй академийн хүндэт гишүүний батламж гэрчилгээг энэ сард болох Францын мэс заслын академичдын ээлжит хуралдааны үеэр гардуулах аж.