МҮЭХ-ноос цаг үеийн асуудлаар өнөөдөр хэвлэлийн бага хурал хийлээ. МҮЭХ-ны Ерөнхийлөгч Х.Амгаланбаатар энэ үеэр "МҮЭХ-ны Ерөнхийлөгчийн зөвлөлөөс өчигдөр шуурхай шийдвэр гаргасан. МҮЭХ-ноос энэ баасан гаригт 12-нд 12:00-14:00 цагийн хооронд татварын нэмэгдлийг эсэргүүцсэн жагсаал, цуглааныг улс орон даяар зохион байгуулна. Өнөөдөр хүн бүрийн ярьж буй асуудал бол татварын нэмэгдэл. МҮЭХ энэ асуудлыг Засгийн газар УИХ-ын түвшинд эргэж харж, тодорхой зөв зүйтэй, оновчтой шийдвэр болгож гаргая гэдэг тохиролцоонд бид хүрээд байсан. Гэвч тохиролцоо, хэлэлцээрийн шийдвэр үр дүнд хүрэхгүй байгаа учраас эсэргүүцлийн жагсаал, цуглаан зохион байгуулна.
Энэхүү жагсаал, цуглаанаар тэтгэврийн насыг нэмэгдүүлэхийг цуцлах, долоон төрлийн татвар, НДШ-ийг нэмэгдүүлэх зэргийг цуцлахыг шаардана" гэв.
