Монгол Улсын төрийн түшээ эрхмүүд гэмт хэрэгт холбогдох тохиолдол цөөнгүй гардаг. Тэгвэл сүүлийн жилүүдэд ялангуяа Баян-Өлгий аймгаас сонгогдсон гишүүд ямар нэг хэрэгт холбогдохоороо Казакстан яваад сураг алдардаг болсон. Тэдгээрийн хүмүүсийн сүүлийн жишээ гэхэд УИХ-ын гишүүн асан А.Мурат юм. Тэрбээр 2014 онд Монгол Улсаас Эрээн хотод суух консулаар томилогдсон аж. Улмаар албан тушаалаа ашиглан БНХАУ-аас Монгол Улсруу хар тамхи нийлүүлдэг сүлжээнийхэнтэй холбогдож консулын машинаар хар тамхи зөөвөрлөж байсан аж. Үүнийхээ хөлсөнд багагүй мөнгө авдаг байсан гэнэ. А.Мурат оргон зугтахаасаа өмнө 3 кг хар тамхи зөөхөд тусалсан бөгөөд тэдгээр хүмүүс нь БНХАУ-ын хууль хяналтынханд баригджээ. Ингэхдээ тэдгээр хүмүүс “Монголын консулын машинаар зөөсөн, А.Мурат гэж хүн тусалсан” хэмээн мэдүүлсэн гэнэ. Өдгөө А.Муратыг БНХАУ-ын хууль хяналтынхан эрэн сурвалжилж байгаа аж. Үүнээс гадна А.Мурат БНХАУ-ын Бээжин хотноо консулаар очиж эхнэр К хүргэн дүү С гэх мэт өөрийн хүмүүсийг виз олгох чухал ажилд томилсон байна. Ингэснээр виз дамлан худалдаж их хэмжээний ашиг олсон байх магадлалтай аж. Иргэдийн гомдлын дагуу хууль хяналтынхан шалгаж хуулийн дагуу Улаанбаатарт ирж мэдүүлэг өг гэсэн боловч ирээгүй байна. Улмаар консул А.Мурат амралтаа авлаа, сарын дараа ирнэ гэсэн захиа үлдээгээд эхнэр, хүргэн дүүгээ дагуулан Казакстан руу явж тэндээсээ АНУ руу гарсныг хууль хяналтынхан олж мэджээ.
А.Муратыг БНХАУ-ын хууль хяналтынхан эрэн сурвалжилж байна
2016-01-25 11:09:00
