“Facebook” хэрэглэгчиддээ хандсан томоохон шинэчлэлийг эхлүүлжээ. Уг шинэчлэлийн хүрээнд “news feed” хэсэгт найз нөхөд, гэр бүлийн, эсвэл байнга ханддаг пэйж, групп,мөн найзуудынх нь постуудын чухал гэж үзсэн хэдэн пост, мэдээ , мэдээлэл тоймлон харагдах болно. Нэг ёсондоо шинэчлэл нь аккаунтуудаас оруулж буй постуудыг хязгаарлахад чиглэгдэж байгаа юм.
“Facebook”-ийг үндэслэгч Марк Зукерберг энэ асуудлын тухай “News feed-ийн шинэчлэл нь бизнес, брэнд, хэвлэл мэдээллийг харахаас гадна бага зэрэг нийтийн постуудыг харах болно. Утга учиртай харилцааг дэмжихийн тулд эдгээрийг нийтийн харилцааны постуудтай ижил түвшинд авчирч байна” гэжээ.