УИХ-ын үдээс өмнөх чуулганы хуралдаанаар Эрүүл мэндийн тухай болон Эрүүл мэндийн даатгалын тухай хуулиудад нэмэлт, өөрчлөлт оруулах тухай хуулийн төслийн үзэл баримтлалыг хэлэлцэх эсэхийг хэлэлцлээ. Эрүүл мэндийн тухай болон Эрүүл мэндийн даатгалын тухай хуультай холбогдуулан УИХ-ын гишүүн Ц.Даваасүрэн “ АНУ-аас орж ирж байгаа энэ элэгний эмийг тус улсдаа хүн дээр туршаагүй юм билээ. Хорьчихсон. Гэтэл Монголд хүн дээр туршиж байна. Хэдэн нөхөр л шоудаад л Монгол хүн дээр дээрх эмийг туршиж байна. Төр гэж байгаа бол үүн дээр анхаарал хандуулах хэрэгтэй” хэмээн хэллээ.