Монголын 3х3 сагсанбөмбөгийн шигшээ баг энэ оны зургадугаар сарын 8-12-нд Филиппиний Манила хотод болох FIBA 3x3 World Cup 2018 дэлхийн цомын аварга шалгаруулах тэмцээнд оролцохоор болжээ. Манай шигшээ ОУСБХ-ын 3х3 шигшээ багуудын чансаанд дээгүүр байрт бичигдсэний ачаар ийнхүү оролцох эрхээ авсан байна. Манай сагсан бөмбөгчид түүхэндээ ДАШТ-д анх удаа оролцохоор болсон нь энэ юм. Манилад болох ДАШТ-д дэлхийн 37 улсын 40 баг тамирчид ур чадвараа сорин өрсөлдөнө.
