Төрийн албанд хуурамч дипломоор шургалсан нөхдүүд цөөнгүй байдаг. Гэвч хууль баталдаг УИХ-ын танхимд хэд хэдэн их сургууль төгссөн мэтээр анкет бөглөсөн хүн бол С.Ганбаатар гишүүн. Түүний хувьд хуурамч дипломны асуудал, Англид сургууль төгссөн төгсөөгүй гэсэн яриа байдаг. Тэгвэл уг асуудлыг худал болохыг С.Ганбаатар гишүүн баталсан байна. Түүнд Ерөнхий сайд Ч.Сайханбилэг өнгөрсөн оны 10 дугаар сарын 09-ний өдрийн чуулганы үеэр "С.Ганбаатар гишүүн ээ, та өөрийнхөө гараар бичсэн анкет дээрээ Англид хоёр сургууль төгссөн гэж бичсэн юм билээ. Нэг сургуулийнх нь нэрийг та буруу биччихсэн. Би бол хоёр жил суралцаж төгссөн сургуулийнхаа нэрийг буруу бичсэн бол тэнд суралцаж төгссөн гэдэгт итгэхгүй. Хоёрдугаарт, таны төгссөн мэргэжил чинь тэр сургуульд байхгүй мэргэжил. Та маргааш надад сургууль төгссөн гэрчилгээгээ гаргаад харуулчих юм бол би энэ хэлсэн үгийнхээ өмнөөс танаас уучлал гуйя” гэж байсан юм.