“Лондон-2012” олимпийн наадмын хүрэл медальт, ДАШТ-ий гурван алт, нэг мөнгө, нэжгээд хүрэл медальт, ОХУ-ын хүнд жингийн шилдэг бөх Билял Махов Иван Ярыгиний нэрэмжит “Алтан Гранпри” тэмцээнийг өвдөгний бэртлийн улмаас өнжихөөр боллоо. Өдгөө 30 настай Махов хэдийгээр “Алтан Гранпри”-г өнжиж байгаа ч ирэх тавдугаар сард ОХУ-ын Дагестаны Каспийск хотод болох ЕАШТ-д оролцоно гэдгээ мэдэгджээ. Түүнийг өнгөрсөн жилийн залуучуудын ДАШТ-ий хүрэл медальт, Хойд Осетийн Заур Козонов орлоно.
