Рио Тинто групп Монгол Улстай хамтын ажиллагаагаа улам бүр бэхжүүлэн, өнгөрсөн долоо хоногт Улаанбаатар хотод шинэ оффис нээсэн. Рио Тинтогийн шинэ оффис нь тус группын хайгуулын хөтөлбөр, технологийн төвд дэмжлэг үзүүлж, Монгол дахь бүх түншлэгч талуудтай харилцаагаа үргэлжлүүлэн хөгжүүлэхэд анхаарч ажиллах талаар мэдээлэл хүргэсэн. Рио Тинтогийн Монгол дахь үйл ажиллагаа хариуцсан захирлаар Д.Мөнхтүшиг томилогдон ажиллаж эхэлсэн.
Рио тинто групп Монгол Улсад албан ёсны оффисоо нээсэн тухай Reuters агентлагт мэдээлэл гаргасан байна.
Тус мэдээлэлд “Дэлхийд уул уурхайн олборлолтоороо тэргүүлэг Рио Тинто групп Монгол Улсын нийслэлд өөрийн төлөөлөгчийн газраа нээлээ. Тус группын хайгуулын хөтөлбөр, технологийн төвд дэмжлэг үзүүлж, Монгол дахь бүх түншлэгч талуудтай харилцаагаа үргэлжлүүлэн хөгжүүлэх зорилготой шинэ оффис нь нийслэл хотын төв хэсэгт байрлах бөгөөд нийт 80 ажилтантай аж.
Тус албан ёсны оффимын нээлтэн дээр "Рио Тинто” группын гүйцэтгэх захирал Жан-Себастьян Жак "Монгол Улсад албан ёсны төлөөлөгчийн газраа нээнэ гэдэг бол цаашид урт хугацааны хамтын ажилллагаа бэхжүүлэх хүсэлтэй байгаа гэдгийг нотолгоо. Бид Монгол Улсад хүлээсэн үүрэг амлалтаа гүнзгүүрүүлэх нэг алхам болно. Монгол Улсад өнгөрсөн 2010 оноос хойш 7 тэрбум ам.долларын хөрөнгө оруулалт хийсэн. Үүнд: Ажилчдын цалин, татвар, ашигт малтмалын нөөц ашигласаны төлбөр, бусад татвар болон хуурамж зэрэг багтах болно” хэмээн онцолж хэлсэн.
Харин өөр нэг эх сурвалжийн мэдээлж буйгаар сүүлийн үед маргаантай байгаа Рио Тинто болон Монголын Засгийн газрын харилцааг сайжруулж, ард иргэдийн дундах сөрөг хандлагыг багасгах зорилготой байж мэднэ гэв.
Сүүлийн үед маргаан хоёр, гурван асуудал гарсан.
Тодруулбал, 1. Өнгөрсөн сард Монголын Татварын ерөнхий газраас 155 сая ам.долларын татварын актыг тавьсан бөгөөд Туркойз Хилл торгуулийг үндэслэлгүй гэж үзэж буйгаа илэрхийлээд байгаа. Гэхдээ Туркойз Хилл Ресурсээс Оюу толгой ХХК нь дээрх хугацаанд Монгол Улсын хууль тогтоомж, Хөрөнгө оруулалтын гэрээний хүрээнд бүх татвар, хураамжаа төлсөн гэж үзэж буйгаа мэдэгджээ. Мөн тавигдсан торгуулийг үнэлж дүгнэж, хуулийн хугацаанд хариу мэдэгдэх болно хэмээн мэдэгдсэн.
2. Хэдхэн хоногийн өмнө Гадаадын иргэн, харьяатын газраас төлөвлөгөөт хяналт шалгалтын ажлын хүрээнд Оюутолгой ХХК-д шалгалт хийсэн. Тус шалгалтаар “Оюутолгой” уурхайд хууль бусаар 44 хүн ажиллаж байсаныг нутаг буцаасан. Энэ мэт маргаантай асуудал сүүлийн үед бага сага гарах болсон.
Рио Тинтой болон Монголын Засгийн газрын харилцаа сулраад байгаа ч Улаанбаатарт шинэ оффис нээж, Монголын талтай харилцаагаа сайжруулж, тус улсын уул уурхайг илүү гүн ухахаар оролдож эхэллээ.
