Чингэлтэй дүүргийн 4-р хороонд үйл ажиллагаа явуулдаг pc тоглоомын газарт 2018 оны 02-р сарын 05-ны өдөр 19 цагийн орчим гадны нөлөөтэй хүн нас барлаа гэсэн дуудлагаар тус дүүргийн жижүүрийн шуурхай удирдлагын бүрэлдэхүүн хэргийн газарт үзлэг хийж, хамгаалалтанд авчээ.
Урьдчилсан нөхцөл байдлаар талийгаач болон холбогдогч нар нь архи, согтууруулах ундаа хэрэглэсэн байж болзошгүй бөгөөд хоорондоо маргаан үүсгэсэн асуудал тогтоогдсон байна.
Хэргийг Нийслэлийн Цагдаагийн газрын Мөрдөн шалгах хэлтсийн Хүнд гэмт хэрэгтэй тэмцэх алба хаагч нар Чингэлтэй дүүргийн цагдаагийн 1-р хэлтсийн алба хаагч нар хамтран шуурхай эрэн сурвалжилж илрүүлсэн байна.
