Сонгинохайрхан дүүргийн нутаг дэвсгэр буюу Үйлдвэрчний эвлэлийн гудамж, Геологийн төв лабораторийн зүүн талын автомашины зам дээр “ДЮЦ” компанийн H.Aerocity маркийн автобусны жолооч У нь тус автобусны зорчигч 15 настай эмэгтэй С-г унагаж гэмтээжээ. Хэргийг Сонгинохайрхан дүүргийн замын цагдаагийн газарт шалгаж эхэлжээ. Гэмтсэн охин ГССҮТ-д очиж эмчилгээ хийлгэсэн байна. Хүлээн авсан эмч нарын хэлж буйгаар хохирогч охин зөөлөн эдийн зулгаралттай, одоогоор ясны хугарал болон тархины ямар нэг гэмтэл ажиглагдаагүй гэсэн байна. Жолооч У цагдаагийн мэдүүлэгтээ, охиныг орж ирж байгааг хараагүй. Анзааргагүй байдлаас ийм зүйл боллоо" гэсэн байна. Өмнө нь тус компанийн "Daewoo Bs-106" маркийн автобусны жолооч Б зорчигчоо унаган гэмтээж байсан билээ.
“ДЮЦ” компанийн H.Aerocity маркийн автобусны жолооч У зорчигчийг унагаж гэмтээжээ
2016-01-27 12:31:00
