Эх хүүхдийн эрүүл мэндийн үндэсний төвийн хогийн саванд нярай хүүхдийг давхар өлгийгөөр өлгийдөн, гялгар уутанд хийж хаясныг эмнэлгийн асрагч нар хогоо асгаж явахдаа олж, амийг нь аварчээ. Хаягдсан хүүхэд төрөөд дөнгөж нэг хоносон байжээ. Хүүг яаралтай Эрчимт эмчилгээний тасагт хэвтүүлэн, шаардлагатай эмчилгээг хийсэн бөгөөд биеийн байдал нь хэвийн сайн байгаа аж. Хаягдсан хүүгийн ээж 22 настай эмэгтэйг олсон бөгөөд Баянгол дүүргийн цагдаагийн хэлтэст шалгаж байна.
