Төв аймгийн Баянхангай суманд 2018-оны хоёрдугаар сарын 04-05 шилжих шөнө малчин Э-ийн хээр бэлчиж явсан зургаан тооны адууг буудаж нядалж байгаад үйлдэл дээрээ баригдсан хэрэг гарлаа. Уг хэргийг Баянцогт сумын хэсгийн төлөөлөгч Г.Гантүшиг, Баянхангай сумын хэсгийн төлөөлөгч Б.Мөнхбаяр нар халуун мөрөөр нь илрүүлсэн байна. Эдгээр этгээдүүд нь найман хүний бүрэлдэхүүнтэй, дөрвөн машинтай явжээ.
Тус сумын цагдаагийн хэлтэс уг хэргийг шалгаж эхэлсэн байна. Уг этгээдүүдийн дөрөв нь өмнө нь малын хулгайн хэргээр удаа дараа ял шийтгүүлсэн ч Өршөөлийн хуульд хамрагдсан байж. Тэд адууг гурван калибр, хоёр том буугаар цээж, толгойд нь хэд хэд буудаж алсан гэнэ. Тэд хээр бэлчиж явсан эзэнгүй адууг алж нядлаад хотод авчирч махны ченжүүдэд зардаг байснаа хүлээсэн байна.
Эдгээр этгээдэд Эрүүгийн хуулийн 17.12-т зааснаар эрүүгийн хэрэг үүсгэн шалгаж эхэлжээ.
