XVII дугаар жарны Тийн унжлагат хэмээх Шороо нохой жилийн сар шиний баярын босгон дээр Монгол Улсын Ерөнхийлөгч Х.Баттулга зарлиг гаргаж амжилт бүтээл гаргасан зарим хүнд Төрийн дээд одон медаль хүртээлээ. Тодруулбал, Монголын анхны Ардын жүжигчин Цагааны Цэгмидийн хүү, МУГЖ, Төрийн шагналт жүжигчин Ц.Төмөрбаатарын дүү Ц.Төмөрхуяг МУГЖ цол хүртээлээ. Мөн МУГТ дасгалжуулагч О.Балжинням Хөдөлмөрийн баатар цолоор тус тус шагнууллаа.
