Шилдэг уяач, уралдаанч хүүхдийг тодруулж, шагнал гардууллаа

Тахиа жилийн шилдэг уяач, уралдаанч хүүхдүүдийн шагналыг УИХ-ын дарга М.Энхболд гардууллаа

Монголын морин спорт, уяачдын холбоо (ММСУХ) жилийнхээ ажлыг дүгнэж, хоёр оны зааг дээр шилдгүүдээ шалгаруулдаг уламжлалтай бөгөөд тахиа жилийн шилдгүүдийн шагналыг битүүний өдөр Төрийн ордонд гардууллаа.

ММСУХ-ны Ерөнхийлөгч, Улсын Их Хурлын дарга М.Энхболд шилдэг уяач, уралдаанч хүүхэд, аймаг, сумдын салбар холбоо, галаар тодорсон уяач, багачуудад баяр хүргээд, ирж буй нохой жилдээ улам их амжилт гаргаж, уясан хүлгүүд нь хурдан, унасан хүүхдүүд нь цог золбоотой байхыг хүсэн ерөөв. Энэ өдөр Монгол Улсын Ерөнхийлөгчийн зарлигаар “Монгол Улсын тод манлай уяач” хэмээх эрхэм цол хүртсэн Хорлоогийн Доржпүрэв мөн Хөдөлмөрийн гавьяаны улаан тугийн одонгоор шагнагдсаныг УИХ-ын дарга М.Энхболд гардуулж, баяр хүргэлээ.

“Тийн унжлагат” хэмээх шороон тахиа жилийн “Монгол Улсын шилдгийн шилдэг уяач”-аар улс, бүсийн уралдаанаас таван түрүү, 26 айраг хүртсэн Дорнод аймгийн Баянтүмэн сумын харьяат, Монгол Улсын тод манлай уяач Ононгийн Батбилэг, “Монгол Улсын шилдэг залуу уяач”-аар улс, бүсийн уралдаанаас хоёр түрүү, долоон айраг хүртсэн Дундговь аймгийн Хулд сумын уяач, Монгол Улсын алдарт уяач Баярсайханы Лхагва-Очир тодорсон бол “Монгол Улсын шилдгийн шилдэг уралдаанч хүүхэд”-ээр Нийслэлийн Хан-Уул дүүргийн “Цэцээ гүн” 59 дүгээр сургуулийн зургаадугаар ангийн сурагч “Түмний эх” гал уяаны уралдаанч хүү, 12 настай Гүндэгмаагийн Отгонбаяр шалгарсан байна.

Дараа нь улс, бүс, аймаг, сумын уралдаанд гаргасан ажилтаараа тэргүүлж, ММСУХ-ны бодлого, үйл ажиллагааг орон нутагтаа амжилттай хэрэгжүүлсэн шилдэг салбар холбоодыг шагнасан юм. Тахиа жилийн шилдгийн шилдэг салбар холбоогоор Нийслэлийн морин спорт, уяачдын холбоо, аймгуудын оны шилдэг салбар холбоогоор Хөвсгөл аймгийн “Дэлтэй цэнхэр”, Баян-Өлгий аймгийн “Тулпар” салбар холбоод шалгарч, хүндэтгэлийн туг, өргөмжлөлийг хүлээн авав. Мөн сумдын оны шилдэг салбар холбоодыг нэрлэхэд Өмнөговь аймгийн Ханбогд сумын “Галбын хүлэг”, Өвөрхангай аймгийн Уянга сумын “Сайнноён ханы хурд”, Сүхбаатар сумын Мөнххаан сумын “Мөнххаан хурд”, Сэлэнгэ аймгийн Сайхан сумын “Хүлгийн хийморь”, Төв аймгийн Заамар сумын “Тосон довон”, Увс аймгийн Өндөрхангай сумын “Домогт сайвар халтар” салбар холбоод багтжээ.

Харин Монгол Улсын тахиа жилийн шилдэг гал уяагаар Төв аймгийн Сэргэлэн сумын харьяат, Монгол Улсын тод манлай уяач, гавьяат малчин Дамбадаржаагийн Ононгийн ахалдаг “Түмний эх” уяа шалгарсныг ММСУХ-ны Ерөнхийлөгч М.Энхболд, Ерөнхий нарийн бичгийн дарга П.Сэргэлэн нар гардуулан өглөө.

Түүнчлэн ММСУХ-ны Тэргүүлэгчдийн 2018 оны хоёрдугаар сарын 5-ны өдрийн тогтоолоор нэр бүхий 28 уяачийг “Шилдэг уяач”, 31 хүүхдийг “Шилдэг уралдаанч хүүхэд” шагналаар шагнасан байна.

Шилдэг уяачид: