Монголын допингийн эсрэг үндэсний төвөөс улсын наадамд тав давж, шөвгөрсөн бөхчүүдээс жил бүр сэргээшийн шинжилгээ авдаг. Энэ жилийн хувьд улсын баяр наадамд шөвгөрсөн 16 бөхөөс допингийн шинжилгээний дээжийг авч шинжилгээ хийсэн байна. Энэхүү шинжилгээний хариу гарч допингийн шинжилгээнд таван бөх бүдэрчээ. Гэхдээ “Б” сорьцын шинжилгээний хариу иртэл бөхчүүдийн нэрийг зарлахгүй юм байна.
