Хууль зүйн сайд асан Х.Тэмүүжинтэй нэр холбогдож байсан Г.Сарангэрэл дахиад хар тамхины хэргээр саатуулагдан шалгагдаж байгаа аж. Тодруулбал, Өнгөрсөн сарын сүүлчээр Эрүүгийн цагдаагийн ажилтнууд мөрийтэй тоглоомын газруудад шалгалт хийж, тэнд мансууруулах бодис зарж борлуулж, хэрэглэж байж болзошгүй хүмүүсийг шалгахад Г.Сарангэрэл тэдний дунд байж таарчээ. Түүнээс тухайн үед шинжилгээ авахад шээснээс нь “мөс” илэрсэн гэнэ. Г.Сарангэрэлийн хувьд өмнө нь мөн хар тамхины хэргээр саатуулагдан шалгагдаж байсан билээ.