УИХ-ын гишүүн Д.Гантулгыг цагдан хорих үндэслэлгүй гэж шүүх үзсэн үү

Өнгөрсөн долоо хоногт Прокурорын байгууллагаас УИХ-ын гишүүн Д.Гантулгыг цагдан хорих саналыг гаргасан билээ. Тэрхүү саналыг БЗД-ийн шүүх хэлэлцээд цагдан хорьж шалгах үндэслэлгүй гэж үзсэн байна.  Шинжээчийн дүгнэлтээр УИХ-ын гишүүн Д.Гантулга гэмт хэрэг үйлдсэн болох нь тогтоогдлоо гэсэн мэдээлэл тархаад байгаа.

Мөн Нийслэлийн прокурорын газрын Олон нийттэй харилцах ажил хариуцсан хяналтын прокурор С.Бясман “…УИХ-ын гишүүн Д.Гантулгад эрүүгийн хэрэг үүсгэж, яллагдагчаар татсан байгаа. Түүнд яллагдагчаар татсан тогтоолыг танилцуулахаар мөрдөгч болон прокуророос хэд хэдэн удаа дуудсан боловч эрхэм гишүүн орон нутаг, гадаадад ажилтай байгаа нэрийдлээр одоог хүртэл ирээгүй байна. Ер нь хэн ч бай прокурорын дуудан ирүүлэх мэдэгдэх хуудсанд заасан хугацаанд ирэх үүрэгтэй. Ирээгүй тохиолдолд Эрүүгийн хэрэг хянан шийдвэрлэх тухай хуулийн 12.3 дугаар зүйлд зааснаар шүүхийн шийдвэрээр албадан ирүүлэх ажиллагааг гүйцэтгэнэ. Мөн яллагдагчаар татах тогтоолтой танилцуулахаар дуудсан сэжигтэн хүндэтгэн үзэх шалтгаангүйгээр ирээгүй, мэдэгдэх хуудсыг хүлээн авахаас татгалзсан нь хуулийн дагуу баривчлах үндэслэл болдог" гэж мэдэгдсэн.