Хоёрдугаар сарын 22-25-ны хооронд Турк улсын Истанбул хотод зохиогдсон олон улсын тогооч нарын их наадмаас манай тогооч нар ганцаарчилсан дүнгээр найман алт, 23 мөнгө, 14 хүрэл медаль хүртжээ. Мөн зургаан мастер тогооч олон улсын шүүгчийн сургалтад хамрагдаж ганзага дүүрэн эх орондоо ирлээ.
Олон улсын наадамд 18 орны 2000 тогооч өрсөлдөж 70 гаруй ажиглагч оролцсон бөгөөд тэмцээнд манай улсаас хоёр шүүгч, 23 оролцогчийн бүрэлдэхүүнтэй баг оролцжээ. Монголын тогооч нар 2010 оноос хойш олон улсын чанартай уралдаан тэмцээнүүдэд амжилттай оролцож байна.
