"БАЯРЛАЛАА ЭЭЖЭЭ” тоглолт энэ жил дахин тоглогдохоор болжээ. Тус тоглолт нь ижил төрлийн арга хэмжээнүүдтэй харьцуулбал Ирсэн ээж бүрийг улаан хивсний ёслолоор хүндэтгэн угтдаг мөн үе үеийн ардын жүжигчин, гавьяатуудын шилдэг хит дуунууд нь ирсэн ээжүүдийн залуу насны дурсамж, сэтгэлийн утсыг хөндөж чаддаг гэдгээрээ гайхалтай тоглолт болдог. Тэгвэл энэ жил “БАЯРЛАЛАА ЭЭЖЭЭ” тоглолт өөрийн гэсэн албан ёсны дуутай болжээ. “БАЯРЛАЛАА ЭЭЖЭЭ” хэмээх энэхүү дууны шүлгийг МУСГЗ Ш.Гүрбазар бичиж, хөгжмийг МУСТА Д.Амгалан бүтээжээ. Дуучин П.Баттүвшин Ж.Үржинханд нар амилуулсан цоо шинэхэн уран бүтээлийг та бүхэндээ хүргэж байна.
Эрхэм та “БАЯРЛАЛАА ЭЭЖЭЭ” тоглолтоор ээждээ бэлэг барихыг хүсвэл 3 сарын 8-ны өдрийн 15:00 цагт UB Palace-ийн концертын их танхимд болох аж. Дашрамд дурдахад тус тоглолтын тасалбар “БАЯРЛАЛАА ЭЭЖЭЭ” гэх ил захидал хэлбэртэй хийгдсэн нь маш өвөрмөц болжээ.