УИХ-ын гишүүн С.Жавхлан өнөөдөр цахим хаягаараа дамжуулан лайв бичлэг хийлээ. Тэрбээр өнөөдрийн бичлэгээрээ монголчууд баярыг хавтгайруулан тэмдэглэж буйг шүүмжлэв. Мөн цаашид оффшорчидтой тэмцэнэ, овт шаарнууд олс дээс аваад гүйтэл нь тэмцэнэ. Сайн цагийг бид заавал авчрах ёстой гэсэн юм.
Тодруулбал, тэрбээр "Баяр, тэмдэглэлт өдрийг хөөрөгдөж байгаа гол зорилго нь бид нарын халаасыг хоослох, эд бараа зарах гэсэн арга хэмээн шүүмжлэв. Цагаан сараар л гэхэд Монголчууд еэвэн тавьдаггүй байсан. Тэмдэглэлт баяруудын цаана оффшорчдын бизнес байгаа гэж харж байна. Валентин гэж баяр тэмдэглээд залуу хосууд шоколад бэлэглэлээ. Энэ үед зүрхэн хэлбэртэй шоколадны арилжаа нэмэгдсэн байх. Ийм хэрэггүй зүйлээр бие биеийнхээ дээр гарах гэж оролдож байхын оронд үндэсний баялаг үйлдвэрлэгчдээ дэмжмээр байна" гэв.
Т.Энхэлээ