"Эрдэнэс Таван толгой" компанийн гүйцэтгэх захирал Д.Ариунболд ажлаа өгөхөөр өргөдлөө өглөө хэмээх мэдээлэл өнгөрсөн долоо хоногт гарсан. Энэ талаар УУХҮ-ийн сайд Д.Сумъяабазараас тодруулахад “Д.Ариунболд ажлаа өгөөгүй. Өргөдлөө ч өгөөгүй. Өчигдөр уулзсан. Ажлын төлөвлөгөөгөө товч танилцуулаад гарсан. “Эрдэнэс Тавантолгой” ХК-ийн удирдлагыг солих, өөрсдийн хүнээ томилуулах сонирхол улс төрчдөд байхыг үгүйсгэхгүй” гэсэн хариултыг өглөө.
