БНСУ-д гэрээгээр ажиллах хүсэлтэй иргэдийн шалгалтын бүртгэл өнөөдрөөс /2018.03.05/ эхэллээ. Бүртгэл гуравдугаар сарын 7-ний өдрийг хүртэл үргэлжилнэ. Иргэд байнгын оршин суугаа хаягийнхаа дагуу харьяалагдах аймаг, дүүргийн Хөдөлмөр, халамжийн үйлчилгээний газар, хэлтсүүдэд өөрийн биеэр очиж бүртгүүлэх боломжтой юм.
Тус шалгалтад 18 наснаас дээш, 39-өөс наснаас доош иргэн /СХТТШ-ын бүртгэлийн эхний өдрийн байдлаар/, ял шийтгэл эдэлж байгаагүй иргэн, БНСУ-аас албадан гаргах шийдвэрээр нутаг буцаагүй иргэн, хилийн хориг тавиулсан этгээд биш байх, мэргэжлийн бус хөдөлмөр эрхлэх Е-9 болон усан онгоцонд хөдөлмөр эрхлэх Е-10 визийн зөвшөөрлөөр БНСУ-д 5 жилээс дээш хугацаагаар оршин сууж байгаагүй иргэн орох юм. Ингэхдээ дараах бичиг баримтыг бүрдүүлнэ. Үүнд:
Иргэний үнэмлэх, гадаад паспорт хуулбарын хамт
3,5*4,5 хэмжээтэй цээж зураг 2% (сүүлийн 6 сарын дотор авхуулсан байх, фотошопоор засаагүй)
СХТТШ-ын бүртгэлийн хураамж 24 ам доллар шаардлагатай.
