Амь эрсэдсэн 17 уулчны гэгээн дурсгалыг мөнхжүүлж, Асралт хайрханд энэ сарын 10-нд гэрэлт хөшөө босгох болжээ. Ингэснээр “Залуу хойч үеийг осол эндэгдлээс сэрэмжлүүлэх, амь эрсэдсэн нөхдийнхөө дурсгалыг хүндэтгэх , байгалийн гамшиг хаана ч тохиолдж болохыг сануулах зорилготой гэдгийг “Хоризон хайкинг” клубийн ахлагч Ш.Батзориг хэлж байв.
Уулын спортын мастер Н.Сүрэнжаваар ахлуулсан 27 уулчин Отгонтэнгэр хайрханд авираад буцах замдаа 17 нь амь эрсэдсэн эмгэнэлт хэрэг өнгөрсөн оны аравдугаар сард гарсан билээ. Энэ нь манайд төдийгүй дэлхий дээрх хамгийн том уулын спортын осол болсон юм.
