Говьсүмбэр аймаг дахь цагдаагийн хэлтсийн эрүүгийн ахлах мөрдөгч, цагдаагийн хошууч Ц.Батхуяг энэ сарын 8-нд согтууруулах ундаа хэрэглэсэн үедээ амиа хорлохыг завдсан иргэний амь насыг аварчээ.
Тодруулбал, олон улсын эмэгтэйчүүдийн эрхийг хамгаалах өдөр тус аймгийн харьяат иргэн согтууруулах ундааны зүйл хэрэглэсэн үедээ таван давхар байшингийн дээврээс үсрэхийг завджээ.
Тухайн үед гэр бүлийн маргаанаас үүдэн амиа хорлохыг завдсан бөгөөд цагдаагийн алба хаагч мэргэжлийн ур чадвар гарган энэ үйлдлийг таслан зогсоожээ.
