Зам тээврийн ноцтой осол гарч гурван хүний амь эрсэджээ. Тодруулбал энэ сарын 9-ний өглөө 08 цагийн орчим Баянзүрх дүүргийн 11-р хорооны нутаг дэвсгэр Хонхорын замд ноцтой осол гарсан байна. Тус замд Subaru impreza маркийн автомашин нь H.Aero city маркийн том оврын автобустай мөргөлдөж, суудлын автомашинд зорчиж явсан 20 орчим настай жолооч, зорчигч нарын нийт 3 хүний амь нас хохирсон харамсалтай хэрэг гаржээ.